Maidir liom féin

Ba é in Ostán Wort in Jackson, Wyoming a thosaigh mé seónna rialta a sheinnm agus airgead á fháil agam orthu den chéad uair riamh. Blianta roimhe sin a shuíodh John Fahey agus Leo Kottke taobh le taobh ar an stáitse céanna, faoi na soilse céanna, agus iad i mbun ceoil a mhúnlódh giotaraithe leis na blianta anuas. Is cuimhin liom go maith an chaoi ar airigh mé agus mé féin i mo shuí san áit chéanna. Bhí sé rud beag cosúil le téacsleabhar a bheith faoin adhairt agat an oíche roimh scrúdú mór ailgéabair. Neart trí neasacht.

1990 a bhí ansin ann, agus tá athrú nach beag tagtha ar mo chúrsaí faoin am seo. Tar éis cúig bliana ag maireachtáil sa veain s'agam agus ag seinnm ceoil síos suas iarthar Mheiriceá agus Cheanada, tá folt gruaige níos giorra orm agus línte ar m'aghaidh ruainne beag níos doimhne. Táim i m'athair aonarach, ag obair ar PhD, agus ag cur fúm i sráidbhaile Alaska nach bhfuil teacht air ar bhóthar ar bith. Ach tá faighte agam gur rud é cumadh na n-amhrán nach féidir é a dhiúltú, agus tá tréad mór díobh ag fanacht lena dtarraingt.